«АгромашХолдинг KZ» АҚ – зауытта локализациялауды арттыру үшін өнеркәсіптік құрастыру туралы келісімге қол қойған Қазақстандағы алғашқы кәсіпорын. Қазірдің өзінде елдегі ең жоғары көрсеткіштердің бірі болып табылатын оң нәтижені – 60% көруге болады. Соған қарамастан, компания өкілдерінің айтуы бойынша бұл жетістіктің шегі емес. Өндірістің 7 жылында операциялар спектрін ұлғайту, атап айтқанда, көлбеу камера мен оның транспортерін, кабинаны және т.б. дәнекерлеуді, июді, пішуді, сырлауды қоса алғанда, дайындамаларды тереңдетіп өңдеуге көшу жоспарлануда. Осындай жаңашылдықтарды енгізу өндіріс процесін неғұрлым технологиялы етуге мүмкіндік береді, сондай-ақ қолда бар локализацияны еселеп ұлғайтады.
Өндірісті «локализациялау» тақырыбы индустрия және инфрақұрылымдық даму министрі Роман Склярдың таяудағы сөзінен кейін әсіресе өзекті бола түсті, ол отандық өндірісті ынталандыру үшін утилизациялық алым енгізу қажеттігі туралы мәлімдеген болатын. Шынында да, сарапшылар Қазақстанның ең болмағанда негізгі позициялар бойынша өзінің ауыл шаруашылығы машиналарын жасау өндірісі болуға тиістігі туралы пікірді бірнеше рет айтқан болатын. Осыған байланысты республикадағы ауыл шаруашылығы машиналарын жасайтын аса ірі кәсіпорын – «АгромашХолдинг KZ» АҚ өкілдері қарқынды бәсеңдетпейді. Ағымдағы жылдың соңына дейін «ESSIL» маркалы астық жинау комбайндарының 400 астам бірлігін, тіркеме және аспалы техниканың 300 астам бірлігін және 250 бірлікке жуық орташа тарту класындағы тракторлар жасауды жоспарлап отыр. Бүгінгі таңда кәсіпорын жыл сайын нарықтағы барлық комбайндардың 45% жуығын өндіреді. Жоспарда – өндірісті жылына 1 000 бірлік комбайнға дейін арттыру міндеті тұр.
Зауыт өткізу нарығын ұлғайту үшін ынтымақтастықты жақсарту және жаңа мүмкіндіктер іздестіру бойынша белсенді жұмыс жүргізуде. Осы жылдың сәуір айында кәсіпорын «Петербург трактор зауыты» АҚ-мен уағдаластыққа қол жеткізді, атап айтқанда, тараптар «АгромашХолдинг KZ» АҚ-да «Кировец» маркалы тракторлар және олардың құрамдас бөлшектері өндірісін ұйымдастыру» жобасын іске асыру жөніндегі жол картасына қол қойды.
Біздің кәсіпорын базасында тиісті келісімге қол қойылып та қойды. Қазір біз жобаны іске асыру мәселесін пысықтаудамыз, қазақстандық өндіруші зауыттардың өндірістік процестердің ортақ тізбегіне қатысуы мақсатында «Кировец» маркалы тракторлардың қосалқы бөлшектерін локализациялауға арналған кооперация мәселесі талқылануда»,
