«Қазақстанның Даму Банкі» АҚ қызметкерлері мемлекеттік мейрам – Республика күні қарсаңында марапаттарға ие болды.
Несиеге әкімшілік ету департаментінің директоры Раушан Шалағанова ел игілігі жолындағы жемісті еңбегі үшін ҚР Премьер-Министрі Олжас Бектеновтің Алғыс хатына ие болды.
Іс-шара барысында еліміздің игілігі жолындағы табысты еңбегі мен экономика саласының дамуына қосқан елеулі үлесі үшін ҚР Премьер-Министрінің орынбасары – Ұлттық экономика министрі Нұрлан Байбазаровтың Құрмет грамотасымен Банктің операциялық департаментінің директоры Айнұр Нұрғалиева марапатталды. ҚР Ұлттық экономика министрінің Алғыс хатымен клиенттермен жұмыс жасау дирекциясының аға банкирі Төлеген Каренов, бизнес-процестер департаментінің бас менеджері Гүлсара Закарина наградталды.
Бұл күні сондай-ақ ҚР Ұлттық экономика министрлігінің «Еңбек ардагері» медалі ҚДБ-ның Кепілмен қамтамасыз етуді бағалау бөлімінің бас менеджері Қалия Тұрсымбаеваға табыс етілді.
Сондай-ақ «Бәйтерек» ұлттық басқарушы холдингі» АҚ Басқарма төрағасының Алғыс хаттары Қорландыру және халықаралық ынтымақтастық департаментінің директоры Адина Берікқызы, Құқықтық қамтамасыз ету департаментінің бас заңгері Андрей Рыжаков пен Операциялық және қаржылық тәуекелдер департаментінің бас тәуекел-менеджері Дана Серіковаға табысталды.
Марапаттарды «Бәйтерек» холдингінің Басқарма төрағасы Рустам Қарағойшин табыстады. Салтанатты рәсім барысында Холдинг басшысы қызметкерлерді Республика күнімен құттықтап, еліміздің экономикасы мен өркендеуіне қосқан үлесі үшін марапатталғандардың әрқайсысына алғысын білдірді.
