Банк развития Казахстана
  • kz

Жеңілдікпен автокредит беру бағдарламасы (автокредитование)

Даму Банкі 2015 жылғы 20 сәуірде іске қосылған Жеңілдікпен автокредит беру бағдарламасының операторы болып табылады. Банк Бағдарлама шеңберінде ЕДБ-лерден келіп түсетін өтінімдерді түпкі қарыз алушыларды қаржыландырудың төмендегі шарттарына сәйкестігі мәніне келіседі: отандық құрастырылымдағы автомобильдің маркасы, автомобильдің 1 бірлігінің ең жоғары құны, сыйақы мөлшерлемесі, кредиттеу мерзімі. Жеке тұлғалардың төлем қабілеттілігін қараумен, тексерумен және олардың қарыздарын мақұлдаумен екінші деңгейдегі банктер айналысады.

Жеке тұлғаларға отандық өндірістің жеңіл автокөлігін сатып алуға кредит беру шарттары мынадай: сыйақының номиналдық мөлшерлемесі – жылдық 4%аспайды, бұл ретте жылдық тиімді мөлшерлеме (автокөлікті сақтандыру және кепілге ресімдеу жөніндегі шығындар қамтылады) жылдық 7,5% аспауға тиіс. Кредиттеу мерзімі – 7 жылдан аспайды, қарыз валютасы – теңге, жеңіл автокөліктің бір бірлігінің құны – 15 млн теңгеден аспайды.

Жеңілдікпен автокредит беру бағдарламасын қаржыландырудың револьверлік сипаты бар, яғни, қолданыстағы кредиттерді өтеуден түскен төлемдер автокредит беруге қайта жіберіледі.


Өңдеу өнеркәсібіндегі ірі кәсіпкерлік субъектілеріне кредит беру (кредитование скп)

Банкаралық қаржыландыру бағдарламасы 2014 жылы іске қосылған болатын. Банкаралық кредиттеу механизмдері арқылы ірі кәсіпкерлік субъектілерін (бұдан әрі – ІКС) қолдау үшін Даму Банкіне Қазақстан Республикасы Үкіметінің төмендегі шешімдеріне сәйкес жалпы сомасы 100 млрд теңге қарыз қаражаты бөлінді:

- Қазақстан Республикасы Үкіметінің 2014 жылғы 5 желтоқсандағы № 1276 қаулысы

- Қазақстан Республикасы Үкіметінің 2015 жылғы 11 наурыздағы № 124 қаулысы.

Пайдаланылған әдебиеттер