Қоңырауға тапсырыс беру
Даму Банкі 2015 жылғы 20 сәуірде іске қосылған Жеңілдікпен автокредит беру бағдарламасының операторы болып табылады. Банк Бағдарлама шеңберінде ЕДБ-лерден келіп түсетін өтінімдерді түпкі қарыз алушыларды қаржыландырудың төмендегі шарттарына сәйкестігі мәніне келіседі: отандық құрастырылымдағы автомобильдің маркасы, автомобильдің 1 бірлігінің ең жоғары құны, сыйақы мөлшерлемесі, кредиттеу мерзімі. Жеке тұлғалардың төлем қабілеттілігін қараумен, тексерумен және олардың қарыздарын мақұлдаумен екінші деңгейдегі банктер айналысады.
Жеке тұлғаларға отандық өндірістің жеңіл автокөлігін сатып алуға кредит беру шарттары мынадай: сыйақының номиналдық мөлшерлемесі – жылдық 4% аспайды, бұл ретте жылдық тиімді мөлшерлеме (автокөлікті сақтандыру және кепілге ресімдеу жөніндегі шығындар қамтылады) жылдық 7,5% аспауға тиіс. Кредиттеу мерзімі – 7 жылдан аспайды, қарыз валютасы – теңге, жеңіл автокөліктің бір бірлігінің құны – 15 млн теңгеден аспайды.
Жеңілдікпен автокредит беру бағдарламасын қаржыландырудың револьверлік сипаты бар, яғни, қолданыстағы кредиттерді өтеуден түскен төлемдер автокредит беруге қайта жіберіледі.
Банкаралық қаржыландыру бағдарламасы 2014 жылы іске қосылған болатын. Банкаралық кредиттеу механизмдері арқылы ірі кәсіпкерлік субъектілерін (бұдан әрі – ІКС) қолдау үшін Даму Банкіне Қазақстан Республикасы Үкіметінің төмендегі шешімдеріне сәйкес жалпы сомасы 100 млрд теңге қарыз қаражаты бөлінді:
- Қазақстан Республикасы Үкіметінің 2014 жылғы 5 желтоқсандағы № 1276 қаулысы
- Қазақстан Республикасы Үкіметінің 2015 жылғы 11 наурыздағы № 124 қаулысы.
Инфрақұрылымдық дамудың 2015-2019 жылдарға арналған «Нұрлы жол» мемлекеттік бағдарламасы (бұдан әрі – «Нұрлы жол» бағдарламасы) Мемлекет басшысының 2014 жылғы 11 қарашадағы «Нұрлы жол – болашаққа бастар жол» атты Қазақстан халқына Жолдауын жүзеге асыру мақсатында іске қосылды.
«Қазақстанның Даму Банкі» АҚ «Нұрлы жол» бағдарламасының шеңберінде кәсіпкерлік субъектілеріне мынадай төрт бағытта қолдау көрсетеді: банкаралық кредиттеу механизмдері арқылы отандық автоөндірушілерді қолдау, отандық экспорттаушыларды қолдау, отандық вагон жасаушыларды қолдау, ірі кәсіпкерлік субъектілерін қолдау.
«Нұрлы жол» бағдарламасын қаржыландыру револьверлік сипатты иеленеді.
Қазақстан Республикасын индустриялық-инновациялық дамытудың 2015-2019 жылдарға арналған мемлекеттік бағдарламасы (бұдан әрі – ИИДМБ) Қазақстан Республикасы Президентінің 2014 жылғы 1 тамыздағы № 874 Жарлығына сәйкес қабылданды.
2015-2019 жылдарға арналған ИИДМБ мақсаты – күш-жігер мен ресурстарды секторлардың шектеулі санына, кластерлік тәсілдеме қолданылатын өңірлік мамандануға және тиімді салалық реттеуге шоғырландыра отырып, өңдеу өнеркәсібін дамыту.«Қазақстанның Даму Банкі» ірі жобаларды қаржылық қолдауды жүзеге асыруға жауап беретін ИИДМБ операторы болып табылады.
