Қазақстанның Даму Банкі «Жұмысшы мамандықтар жылы» аясында колледждер мен орта арнаулы оқу орындарының 3-4 курс студенттеріне 10 шәкіртақы бөледі.
«Қазақстанның Даму Банкі» АҚ ұсынған тағылымдама – «Білім беруді қолдау» бағдарламасы бойынша «Taiburyl» қорының қайырымдылық.
Конкурсқа қатысуға өтінімді 22 тамызға дейін Қордың сайтында беруге болады – процесс толықтай автоматтандырылған. Байқау жеңімпаздары қыркүйектен қарашаға дейін үш ай бойы Ақтөбе қаласындағы Ақтөбе рельс-арқалық зауыты мен Екібастұз қаласындағы «Проммаш.KZ» ЖШС кәсіпорындарында ақылы тағылымдамадан өтеді. Бағдарламаға қатысушылардың әрқайсысына ай сайын 200 000 теңге шәкіртақы төленеді.
Конкурсқа қатыса алады: колледждер мен орта арнаулы оқу орындарының төмендегі мамандықтар бойынша білім алатын студенттері:
- машина жасау технологиясы;
- технологиялық машиналар және жабдықтар;
- жүк көтергіш машиналар және конвейерлер;
- электромеханикалық жабдыққа техникалық қызмет көрсету, жөндеу және пайдалану;
- токарлық іс.
Бағдарламаға қатысуға үміткер Қазақстан Республикасының азаматы, 18 жасқа толған, сотталмаған және әкімшілік жазасы жоқ, GPA кемінде 2,5 балл болуы тиіс.
Сонымен қатар, қатысу үшін келесі құжаттарды ұсыну қажет:
- жеке куәліктің көшірмесі;
- оқу орнынан анықтама;
- үлгерім туралы мәліметтер (транскрипт);
- сотталмағаны туралы анықтама;
- ғылым мен спорт саласындағы республикалық/халықаралық турнирлерде жүлделі орын алғанын растайтын сертификаттар/дипломдардың көшірмелері;
- студент немесе оқытушы берген рецензиялар, мінездемелер немесе пікірлер;
- «Менің мамандығымның қазіргі Қазақстан үшін маңызы» тақырыбында эссе.
Сұрақтар бойынша: taiburyl.kz@gmail.com
