«Қазақстанның Даму Банкі» АҚ («Бәйтерек» холдингінің еншілес ұйымы, бұдан әрі – ҚДБ, Банк) кәсіби біліктілігі мен еңбекте үлгі болған қызметкерлерді марапаттау рәсімі өтті.
Республика күніне орай ұйымдастырылған салтанатты шараға Қазақстанның Даму Банкі мен «Бәйтерек» ұлттық басқарушы холдингінің басшылығы мен қызметкерлері қатысты.
ҚДБ Директорлар кеңесі жанындағы Ішкі аудит қызметінің басшысы Бақыт Жүсіпбекова ұзақ жылғы адал еңбегі, жоғары кәсіби шеберлігі және Банктің ішкі аудит жүйесін дамытуға қосқан үлесі үшін ҚР Ұлттық экономика министрлігінің «Еңбек ардагері» медалімен марапатталды.
Ал Банктің стратегиялық жобаларын жүзеге асыру мен ел экономикасын дамытуға қосқан елеулі еңбегі үшін Басқарушы директор Асем Шакенова ҚР Премьер-Министрінің Алғыс хатымен марапатталды.
«Бәйтерек» холдингі Басқарма төрағасының Алғыс хатымен жобалық тәуекелдерді басқарудағы кәсібилігі және Банктің тұрақты дамуына қосқан үлесі үшін Несиелік тәуекелдер департаментінің директоры Айжан Сатбаева марапатталды.
Қазақстанның Даму Банкі барша марапат иелерін және Республика күні мерекесімен шын жүректен құттықтайды!
