Егер пандемияға дейін экспорттық желіде бірінші орында мұнай тұрса, онда басымдықтар айтарлықтай өзгерді. Экспорт көлемі $642,4 млн құрайтын ферроқорытпалар бірінші орынға шықты, экспортталатын тауарлар көшбасшыларының үштігін хром, мыс және мырыш кендері мен концентраттары тұйықтайды. Олардың көлемі $215,8 млн (13,5%).
Соңғы уақытта шикізаттық емес экспорттың өсуі байқалуда. Аса сұранысқа ие азық-түлік емес экспорттық тауарлардың топ-5 көшбасшысына құрылысы Қазақстанның Даму Банкі қаржыландырған Ақтөбе рельс-арқалық зауытының рельстері кірді.
Бірегей зауыт Қазақстанда ұзындығы 120 метрге дейін жоғары сапалы және орташа фасонды прокатты дифференциалды-термоөткізілген рельстерді шығаратын жалғыз зауыт болып табылады. Зауыт 2016 жылы 2015-2019 жылдарға арналған ҚР ИИДМБ аясында "нөлден бастап" салынған. Даму Банкі 20 жыл мерзімге 284,69 млн АҚШ доллары сомасына қарыз бөлді. Жобаның жалпы құны 406,7 млн АҚШ долларын құрады. Бүгінгі таңда АРБЗ өнімдерінің жоғары сапасын Ресей, Украина, Түркіменстан, Өзбекстан, Қырғызстан, Грузия, Белоруссия, Ауғанстан, Эстония, Латвия, Түркия сияқты елдердің халықаралық тұтынушылары растады. Ақтөбе рельс-арқалық зауытының экспорт көлемі $15,6 млн (1%).
Ақтөбе облысында ҚДБ– ның қатысуымен әлемдегі ең ірі жоғары көміртекті феррохром өндірушілердің бірі - "Қазхром"трансұлттық компаниясы ТМК саласында жоба іске асырылуда. 2014 жылы ҚДБ Ақтөбе ферроқорытпа зауытының аумағында жоғары көміртекті феррохром өндіру зауытының (№4 цех) құрылысына компанияны қаржыландыруды ашты. 2020 жылдың қиындығына қарамастан, компания Қытай, Жапония, АҚШ, Еуропалық Одақ елдері мен Оңтүстік-Шығыс Азияның жетекші тот баспайтын болат өндірушілерімен жеткізілетін 1,84 млн метрикалық тонна ферроқорытпа шығарды. 2020 жылы 1,7 млн тоннадан астам ферроқорытпа экспортталды.
ҚДБ қатысуымен іске асырылатын Ақтөбе облысындағы үшінші жоба - Ақтөбе облысының елді мекендерін газдандыру және газ тарату желілерін жаңғырту, соның арқасында Ырғыз, Комсомол, Ойыл, Богословка, Еңбек, Талдысай, Қосестек, Аққұдық, Жайсаң ауылдары табиғи газбен қамтамасыз етілді. ҚДБ қатысуы шамамен 13 млрд теңгені құрады.
